Нашата кошаркарска легенда и актуелен претседател на КФСМ, Перо Антиќ е гостин во Истанбул каде присуствува на отворањето на музејот на Фенербахче. Клуб со кој Антиќ заедно со тренерот Жељко Обрадовиќ стана пред неколку години и европски шампион.
Тој во своето обраќање на настанот кажа дека Фенер засекогаш ќе има посебно место во неговото срце.
„Честитки за Фенер, вакво нешто како клуб заслужува. Фенер бр.1, и не само поради тоа што јас бев дел од овој клуб, туку поради фактот дека бевме европски шампиони и дека имавме успеси. Фенер засекогаш ќе има посебно место во моето срце“ рече покрај другото Перо Антиќ.
