Капитенот на хрватската фудбалска репрезентација Лука Модриќ во разговор за ФИФА каналот го најави настапот на Хрватска на Мундијалот во Катар, но и откри информација која беше под знак прашалник долго време. Искусниот фудбалер на Реал Мадрид после СП ќе се прости од играњето за националниот тим.
„Свесен сум дека крајот на мојата кариера е се поблиску и СП во Катар веројатно ќе биде моето последен настап за Хрватска. Луѓето често ме прашуваат зошто и понатаму играм за репрезентацијата место да се фокусирам на клубот. Репрезентацијата за мене е нешто посебно, нема поголема радост од тоа да играш за својата земја. Моето збогување ќе биде неверојатно тешко“, рече Модриќ кој за Хрватска игра од 2006 година и досега има 154 настапи.
