Челзи и Севиља остварија победи на отворањето на петтото коло во Лигата на шампионите. Вечерва на гостувањето кај Салцбург, Челзи славеше со 2:1 и на тој начин се пласираше во осминафиналето, додека Севиља со 3:0 беше подобра од ФК Копенхаген и остана со минимални шанси во последното колод а брка осминафинале.
Ковачиќ во првото и Каи Хаверц во второто полувреме беа творци на победата на Челзи, додека единствениот гол за Салцбург го постигна Адаму на стартот на второто полувреме.
Севиља го скрши отпорот на Данците во вториот дел кога нововлезениот Ен-Несири погоди за водство, а во финишот Иско и Монтел ја запечатија победата на Шпанците.
