Е.Пелистер со пораз на домашен терен ја отвори новата сезона во Европската лига. Македонскиот вицепрвак во првото коло беше совладан од Архус со 27-30 (12-16).
Битолчани беа на минус пет на средината на второто полувреме, но не се откажаа, предводени од Марко Кизиќ, ја стопија негативата и дојдоа на минуд еден 26-27. Набрзина примија три гола, не успеаја да се вратат.
Хосни и Хенеберг постигна по пет гола, Костески и Кузманоски имаа по четири погодоци, Лесјак и Кизиќ запишаа по шест одбрани. На другата страна Вест имаше 11 погодоци од 13 обиди.
Македонскиот вицепрвак добро влезе на мечот, поведе со 3-1, па со 7-3, сите голови беа дело на македонските ракометари, три гола на Кузманоски, два Костески и два Танкоски. На другата страна гостите со два погодоци во низа намалија на 7-5 во 12 минута. Хосни промаши пенал, но веднаш се корегира во следниот напад врати на плус три 8-5.
По последното водство од 10-7 во 18 минута, Пелистер застана влезе во во криза, од која гостите со серија од 1-7 направија целосен пресврт, поведоа со 11-14 во 25 минута. На другата страна битолскиот тим беше седум минути без погодок. Танкоски го прекина молкот, но само на кратко, на одморот Архус замина со највисоки 12-16.
Во првите две и пол минути, Пелистер со два гола и одбрана на Лесјак намали на 14-16, но одново падна, па гостите пак имаа плус четири 14-18. По серијата на грешки на битолчани, гостите за прв пат поведоа со 16-21 во 38 минута.
Ова водство данскиот тим го одржуваше до средината на второто полувреме. Кизиќ застана на голот со три одбрани по ред ги разбуди своите соиграчи, Хенеберг, Ојлески, Костески и Павле Атанасијевиќ намалија на 23-25 во 48 минута. Пелистер успеа да дојде на минус еден (26-27) со голот на Пешевски во 55. минута, но гостите со три гола во две минути зголемија на 26-30 и ги урнаа сите надежи во салата „Боро Чурлевски“.
