Феникс убедливо го совлада Голден Стејт Вориорс со 134-105, а една од причините за ваквиот пораз на актуелниот шампиони во НБА е исклучувањето на Клеј Томпсон. Одличниот шутер одигра само 18 минути пред да мора да замине.
Судиите го отстранија откако се судри со првата ѕвезда на противничкиот тим Девин Букер, со кого прво влезе во вербална пресметка, Томпсон беше видно изнервиран и сакаше да го нападне својот ривал.
Судијата веднаш интервенираше, ги раздели, а потоа дотрчаа играчи од двата тима, а потоа Томпсон продолжи да зборува, притоа туркајќи го Ајтон, па судијата Ед Малој му даде втора техничка по првата и го исфрли од натпреварот.
Klay Thompson was ejected for the first time in his career 😳 pic.twitter.com/lvHSI9fAHo
— Sports Illustrated (@SInow) October 26, 2022
На крајот Томпсон мечот го заврши со само два поени, а една од причините поради која беше нервозен беше неговото многу слабо шутирање, бидејќи шутираше 1/8. Од друга страна, Букер одигра брилијантно, постигна 34 поени, имаше седум асистенции и беше прво име на натпреварот.
По натпреварот тој беше прашан за тој детал, а тој рече дека го испровоцирал Томпсон, но дека тоа не значи дека не го почитувал.
„Го сакам Клеј Томсон, го сакам од почетокот на мојата кариера, од драфтот, отсекогаш сакав да бидам како него. Но, тоа не исклучува да се натпреваруваме и малку да се провоцираме. Јас сум голем љубител на неговата игра и неговата натпреварувачка природа и тоа е тоа“, истакна Букер.
