Младата ѕвезда на Барселона, Педри изјави дека тимот заслужено не успеал да се пробие во нокаут фазата од Лигата на шампионите.
„Дефинитивно е неуспех. Барса требаше да се пласира од групата, но тоа не се случи бидејќи не заслуживме да играме понатаму во Лигата на шампионите. Имаме многу млад тим, кој има уште многу простор да расте. Клубот направи одлични трансфери, но тоа не беше доволно за Лигата на шампионите. Ова е огромно разочарување. Треба да бидеме самокритични. Да, заслуживме повеќе на натпреварот против Баерн, имаше одредени околности на натпреварот со Интер во Милано… Сепак, по денешниот натпревар, јасно е дека не сме подготвени да се бориме во Лигата на шампионите“, изјавија Педри.
