Црвена Звезда ја оствари втората победа во групата на Лигата на Европа по победата над Трабзонспор со 2:1 во Белград во 5.коло. „Црвено-белите“ поведоа со голот на Александар Катаи во 37 минута, а Бакасетас изедначи две минути подоцна од слободен удар.
Победничкиот гол за Звезда го даде Александар Пешиќ. Македонскиот репрезентативец Енис Барди беше стартер за Трабзон и играше до 83 минута.
Во оваа група Ференцварош и Монако одиграа 1:1. Па прв е Ференцварош со 10 бода, Монако има 7, Трабзон и Звезда имаат по 6.
Манчестер Јунајтед го совлада молдавскиот првак Шериф со 3:0, а стрелец на третиот гол беше Кристијано Роналдо. Португалецот беше изоставен од првиот тим неколку дена, па вратен и вечерва беше стартер.
Во оваа група Сосиедад има максимални 15 бода (вечерва ја победи Омонија со 2:0) додека Јунајтед е втор со 12 бода. Тие патуваат понатаму, Шериф има 3 бода, а Омонија е без бодови.
РЕЗУЛТАТИ
Ц.ЗВЕЗДА – ТРАБЗОН 2:1
ФЕРЕНЦВАРОШ – МОНАКО 1:1
ФРАЈБУРГ – ОЛИМПИЈАКОС 1:1
ХЕЛСИНКИ – РОМА 1:2
МАН.ЈУНАЈТЕД – ШЕРИФ 3:0
НАНТ – КАРАБАХ 2:1
ОМОНИЈА – СОСИЕДАД 0:2
ШТУРМ – ФЕЕНОРД 1:0
