Дојде време, дојде денот кога Вардар мора и треба да и се одмазди на Воска Спорт за сите оние случувања од лани. Кога охридскиот второлигаш како така успеа да се најде на второто место пред Вардар и да игра во бараж меч за пласман во Прва лига. Но таму Тиквеш ги растури момците на Воска па така ниту оваа екипа ниту пак Вардар ја видоа Првата лига.
И во оваа сезона Вардар и Воска се во битка за пласман во елитата, сега се на двете први места на табелата, охриѓани имаат само бод предност.
Секако дека ова за Вардар е екстра значаен меч, меч кој треба и мора да се добие ако се сака да се врати лидерското место.
Секако дека ќе биде спектакуларен меч кој ќе биде пренесувам на Спорт Клуб, почнува во 13:30 часот а главен судија ќе биде Александар Ставрев.
Во длабока сенка на овој дерби меч се играат уште шест натпрвари и тоа од 14 часот, додека за утре е закажана пресметката меѓу Тетекс и Слога (В).
Покрај дуелот Вардар – Воска Спорт, денеска играат и Пелистер со Беласица, шанса за битолчани за нови бодови е тоа. Гостивар како фаворит гостува кај Кожуф во Гевгелија, додека Арсими е домаќин на Беса. Охрид посакува нови бодови на дуелот со Каменица Саса, а Детонит Плачковица како домаќин е фаворит против Пехчево, и во Велес домашниот Борец игра со Караорман.
ДВОЈКИ ЗА 10.КОЛО – ДЕНЕСКА (14 Ч)
ВАРДАР – ВОСКА (13:30 Ч)
ПЕЛИСТЕР – БЕЛАСИЦА
КОЖУФ – ГОСТИВАР
АРСИМИ – БЕСА
ОХРИД – КАМЕНИЦА САСА
ДЕТОНИТ ПЛАЧКОВИЦА – ПЕХЧЕВО
БОРЕЦ – КАРАОРМАН
НЕДЕЛА, 13 Ч
ТЕТЕКС – СЛОГА (В)
ТАБЕЛА
Воска 23, Вардар 22, Гостивар 21, Пелистер 17, Детонит Плачковица 17, Охрид 16, Беса 14, Беласица 12, Караорман 11, Арсими 10, Кожуф 10, Каменица Саса 8, Пехчево 7, Тетекс 7, Слога (В) 6, Борец 0 бодови…
