Данскиот возач во американскиот Формула 1 тим Хаас, Кевин Магнусен, ќе загуби пет места на стартот на трката за Големата награда на Мексико, објави официјалниот сајт на ФИА. На болидот на Данецот е заменет моторот со внатрешно согорување.
Да потсетиме дека овој болид имаше проблеми со моторот на првиот тренинг, кој Магнусен го пропушти. За Магнусен, овој мотор е веќе шести оваа сезона.
По 19 трки од сезоната 2022, Кевин Магнусен е на 13. место во генералниот пласман.
