Тимот на Наполи продолжува сезонава во Серија А да победува на речиси секој дуел и да биде лидер на табелата. Попладнево предводена од Виктор Осимен кој постигна три гола, Наполи обезбеди триумф од 4:0 против Сасуоло и стигна до 32. бод сезонава.
Дуелот немаше никаква неизвесност затоа што Осимен погоди во 4. односно 19. минута, а Кварацкелиа во 36. минута зголеми на 3:0. Веќе тогаш беше јасно дека домаќинот на овој дуел ќе забележи уште еден сигурен триумф.
Во 77. минута Осимен го комплетираше својот хет трик на овој дуел, а Сасуоло до крајот на мечот остана и со играч помалку откако Лауриенте заработи втор жолт картон.
Елиф Елмас одигра нешто повеќе од половина час откако како резерва во 56. минута го замени Зиелински.
