Актуелниот НБА првак, Голден Стејт по продолжение беше поразен од Шарлот со 120-113. Стеф Кари запиша дабл-дабл од 31 поен и 11 скока, но во регуларниот дел промаши тројка за победа. Дуелот отиде во продолжение, а таму подобар беше Шарлот.
Вашингтон со 31 поен ги предводеше Хорнетси, добро го пратеше Хауард со 23 поени.
Лука Дончиќ го запиша 48 трипл-дабл, но за жал не успеа да му помогне на својот тим да дојде до победа. Далас неочекувано беше поразен од Оклахома со 117-111 после продолжение. Тандерси токму по регуларниот дел постигнаа нестварни 18 поени.
И покрај 31 поен, 16 скока и 10 асистенции, Дончиќ не може да биде задоволен, бидејќи тимот со него на теренот имаше 25 поени негатива, Словенецот имаше лоша реализација. Од игра имаше 30% (погоди само осум од 23), а додека пак од линијата за три поени не погоди ниту еднаш од шест обиди. Во последните три меча имаше четири постигнати тројки од 26 обиди.
„Поразот е мој. Не го водев тимот како што треба, не погодував. Не го направив она шшто е потребно за да дојдеме до победа“, порача Дончиќ по мечот.
Резултати: Шарлот – Голден Стејт 120-113 (прод.), Бруклин – Индијана 116-125, Чикаго – Филаделфија 109-114, Далас – Оклахома 111-117 (прод.), Милвоки – Атланта 123-115, Јута – Мемфис 124-123.
