Луис Суарез сигурно ќе го смени клубот на почетокот на следната година бидејќи одлуката да го напушти уругвајскиот Национал ја донесе само по половина година, а како што стојат работите би можел брзо да се врати во Европа.
Се шпекулираше дека Суарез од следната година ќе игра во американската МЛС и дека веќе се е договорено со тимот на ЛА Галакси, но се чини дека нема да се случи тоа, барем засега.
Медиумите во Уругвај пишуваат дека Суарез сака да се врати во Европа бидејќи верува дека се уште може да игра на високо ниво и дека добил неколку интересни понуди.
Според последните информации за него огромен интерес покажала Севиља на која навистина и е потребен нов напаѓач. Раководството на клубот има подготвено договор за Уругваецот до летото 2023 година и можност да го продолжи на уште една година доколку ги оправда очекувањата во дресот на овој клуб.
Јасно е дека Севиља не игра според очекувањата оваа сезона. Останува да видиме дали навистина Суарез ќе дојде токму во овој тим.
