Еден од најдобрите шахисти на сите времиња, Русинот Анатолиј Карпов, е во многу тешка состојба и е приклучен на респиратор, откако пред два дена под се уште неразјаснети околности доживеа тежок пад.
Карпов при падот се здобил со тешки оштетувања на мозокот и скршеница на ногата. Веднаш бил хоспитализиран во болница во Москва. Причината за страшната несреќа не е позната, падот се случил пред руската Дума во Москва.
Легендарниот 71-годишен шахист моментално е во кома, а со соопштеие се огласи неговата сопруга Наталија Буланова:
„На сите мои драги пријатели им давам резиме на здравствената состојба на Анатолиј. Има умерена сериозност, нормална температура, добри перформанси, позитивна динамика. Констатиран е потрес на мозокот и пневмонија од благ степен. Утре и задутре се многу важни денови. Лекарот што го следи пријавил позитивна динамика, но засега е окарактеризиран како сериозен пациент. Од она што го разбрав главниот проблем е пневмонијата. Денес или утре ќе се префрли на самостојно дишење. Лекарите се трудат“.
