Вечерва со последните мечеви од 6.коло заврши групната фаза од Лигата на Шампионите. Па така познати се сите 16 осминафинилисти, а ждрепката ќе се одржи на 7 ноември (понеделник) во Нион со почеток од 12 часот.
Со оглед на тоа дека ПСЖ ќе биде во неносителите можно е да има супер спектакл и може на Меси, Мбапе и Нејмар да им се падне тим како Манчестер Сити, Реал Мадрид, Баерн Минхен или Челзи.
ПРВОПЛАСИРАНИ – НОСИТЕЛИ:
Порто, Баерн Минхен, Наполи, Тотенхем, Реал Мадрид, Манчестер Сити, Челзи, Бенфика
ВТОРОПЛАСИРАНИ – НЕНОСИТЕЛИ:
Клуб Бриж, Интер, Ливерпул, Ајнтрахт Франкфурт, Лајпциг, Борусија Дортмунд, Милан, ПСЖ
Во оваа фаза не може да се паднат за ривали екипи од иста земја, како и екипи кои веќе претходно играле во иста група во досегашниот дел од Лигата на Шампионите. Реваншите се играат кај екипите кои ќе бидат носители.
Првите натпревари од осминафиналето се играат на 14/15/21/22 февруари, додека реваншите на 7/8/14/15 март следната година.
Ждрепката за четвртфиналето и полуфиналето е закажана за 17 март.
Големото финале е закажано за 10 јуни 2023 година и тоа на стадионот “Кемал Атататурк“ во Истанбул.
