Вечерва завршуваат натпреварите од групната фаза во Лигата на Европа. Вечерва некаде после 23 часот ќе се знаат сите екипи кои ќе се најдат во 1/16 финалето во ова натпреварување, заедно со оние од ЛШ кои завршија како трети во своите групи.
За нас секако дека најинтересно ќе биде да се види како нашите интернационалци ќе одиграат за своите клубови.
Енис Барди со својот Трабзон го дочекува составот на Ференцварош (18.45 часот) во групата – Х, и мора да победи а и да очекува добри вести од Монако каде играат Монако и Ц. Звезда, реми ќе биде најдобрата опција за тимот на Барди.
Езџјан Алиоски нема такви проблеми со својот Фенербахче, турците се пласираа во следната фаза, сега само прашање е кој ќе биде прв, Фенер или Рен.
Инаку Алиоски и колегите му гостуваат на Динамо Киев (21:00 часот). АЕК Ларнака во оваа група игра со Рен, но без нашиот Иван Тричковски.
Ердал Ракип и Малме гостуваат кај Брага во меч од групата – Д, и го посакуваат првиот бод сезонава.
Вечерва се играат и мечевите од Лигата на Конференции.
Македонскиот Пјуник, со Спировски, Радески и Ристески, игра дома со Базел (18:45 часот) и со победа ќе се пласира во следната фаза од ова натпреварување.
