Откако испливаа имињата на фудбалерите кои се сигурни во репрезентацијата на Бразил за СП 2022 во Катар, а меѓу нив не беше Габриел Барбоса – Габигол, па фудбалерот на Фламенго одлучи во јавност да открие некои валкани работи што се случуваат во националниот тим. Според него, селекторот Тите им наредил на играчите на кои смета за Мундијалот да лажираат повреди во своите клубови за да ги пропуштат преостанатите натпревари и за да бидат здрави за Светското првенство кое почнува на 20 ноември.
„Тите побара од играчите да глумат повреди и да избегнат настапи до почетокот на СП. Габигол го прашал како може да одглуми такво нешто, а селекторот му одговорил на вулгарен начин дека штом прашува тогаш нема да биде на списокот на репрезентативци“, пишува бразилски „Глобо“.
Ришарлисон и Лукас Пакета пред извесен период се жалеа на повреди и не играа за Тотенхем односно Милан, но ќе се вратат за СП 2022.
