Манчестер Сити, далеку потешко од очекувањата предмалку на домашен терен дојде до победа над тимот на Фулам со конечни 2:1, и тоа со гол од пенал постигнат во судиското продолжение од дуелот. Истиот требаше да биде рутина за Сити, но тоа не само што не беше така, туку напротив, домаќинот треба да е среќен што освои три бода. Алварез погоди за 1:0, а потоа Переира од пенал израмни на 1:1. Жоао Кансело при тоа беше исклучен. Халанд беше резерва на овој дуел, влезе да помогне, постигна гол кој му беше поништен, а потоа во последните секунди беше прецизен од белата точка.
Тимот на Лидс, пак на фантастичен начин дојде до победа од 4:3. Домаќинот поведе, а потоа Борнмут во серија постигна три гола, за 1:3. Следуваше маестрален кам бек на домаќините и три гола на Гринвуд, Купер и Самервил.
Нотингем Форест пак испушти победа откако одигра само 2:2 на домашен терен против Брендфорд.Имаше водство до шестата минута од судиското продолжение, а тогаш Занка си постигна автогол.
Резултати:
Манчестер Сити – Фулам 2:1
Лидс – Бормнут 4:3
Вулверхемптон – Брајтон 2:3
Нотингем Ф – Брендфорд 2:2
