Според новинарот Жоан Фонтес, напаѓачот на Барселона, Рафиња е многу незадоволен од начинот на кој се одвива неговиот престој во клубт по трансферот од Лидс Ј. Според фудбалерот, за оваа негова позиција виновен е тренрот Чави кој неправедно се однесува кон него.
Бразилецот изгледаше одлично во подготвителниот период и на првите средби од новата сезона, но со текот на времето го загуби местото во тимот. Од 16 октомври и поразот од Реал Мадрид (1-3), тој на само еден од шесте натпревари стартуваше во првите 11.
Според новинарот Жоан Фонтес, крилниот напаѓач е во студен однос со тренерот.
Рафиња ги известил своите блиски дека е разочаран од Чави. Тој чувствува дека е премногу критикуван кога ризикува, а Дембеле е награден за неговата храброст иако прави повеќе грешки. Во текот на преговорите му било ветено дека ќе игра на десната страна, но таму сега е Дембеле кој не се знаеше до последно дали ќе остане или ќе си оди од клубот ова лето.