Јованка Радичевиќ ги игра последните мечеви во дресот на Црна Гора. Екс-вардарката одлучи по завршување на Европското првенство кое се одржува во Скопје да стави крај на својата репрезентативна кариера.
Синоќа Радичевиќ го одигра последниот танц пред домашните фанови, таа беше посебно мотивирана постигна 12 погодоци во победата над Полска од 26-23 за совршена групна фаза на Црна Гора која денеска ќе пристигне во Скопје.
Радичевиќ не издржа, на крајот емоциите ја совладаа, се расплака.
„Ова е премногу тежок ден за мене. Се обидов да ги потиснам емоциите пред натпреварот и за време на натпреварот, знаев колку ни значи. Пред десет години бевме олимписки вицешампиони и европски шампиони, но можеби овие натпревари на наш терен ми беа уште поубави од тие денови. Не беше лесно да се донесе одлуката за крај на репрезентативната кариера. Најдобрите моменти во мојата кариера беа во овој дрес, но доаѓа време кога треба да размислувате за други работи и приоритети. За мене, ова е свет дрес. Ви благодарам на сите“, изјави Радичевиќ
𝑳𝒂𝒔𝒕 𝒅𝒂𝒏𝒄𝒆 𝒂𝒕 𝒉𝒐𝒎𝒆 for @jokarad4 ❤️🇲🇪
187 appearances 👉 1.068 goals. LEGEND!We don’t cry, you cry 🥲#ehfeuro2022 | #playwithheart | @rukometnisavez pic.twitter.com/UUG5Td9PTW
— EHF EURO (@EHFEURO) November 9, 2022
