Наполи го совлада Удинезе со 3:2, а стрелец на третиот гол за лидерот во Серија А беше Елиф Елмас. Македонскиот фудбалер повторно беше во тимот по отсуството на Квича Кваратшкелија и постигна гол.
„Видов како тргна Ангуиса во напад и знаев дека ако истрчам напред ќе ми ја подаде. Успеав да погодам и тоа е прекрасно, се радувам за голот. Веднаш отидов кај навивачите за да го прославам затоа што тоа мене многу ми значи, а им значи и на навивачите“, изјави Елмас.
„Ривалството со Квара е одлично и за мене и за тимот. Со тоа јас, но и тој се трудиме да се подобриме, а сметам дека тоа е добро и за тимот затоа што се подобрува. Убаво е кога има натпревар внатре, во екипата. Се надевам на уште добри моменти како денешните“, вели македонскиот репрезентативец.
