Искусниот Серхио Рамос не беше вклучен во составот на Шпанија за претстојното СП во Катар. Селекторот Луис Енрике одлучи да не го повика играчот на ПСЖ поради што тој остана на 180 настапи.
„Играњето на петтото СП ми беше голем сон, меѓутоа сега ќе морам да го гледам од дома. Минатата сезона имав многу проблеми со повредите и адаптацијата во Париз, но оваа сезона го достигнав моето препознатливо ниво. Тешко ми падна тоа што не бев вклучен во составот за Катар, но сонцето и понатаму ќе изгрева на исток. Ви благодарам на поддршката, пред мене се многу предизвици. А на Шпанија и посакувам успех на СП“, порача Рамос.
Енрике во дефанзивниот ред одлучи да го повика Ерик Гарсија, Пау Торес, Ајмерик Лапорт и Уго Гиљамона.
