Некогашниот репрезентативец на Англија, во моментов 35. годишниот Арон Ленон и официјално стави крај на професионалната фудбалска кариера.
Тој оваа своја одлука ја соопшти преку социјалните мрежи, а и онака беше без клуб откако летоска со Барнли испадна од Премиер лигата и автоматски му истече договорот.
Кариерата ја започна во Лидс, а потоа премина во Тотенхем за кого играше десет години. Следуваше преселба во Евертон, па последните години ги мина во Барнли со кратка позајмица во турски Кајсериспор.
