Младиот фудбалер на Ливерпул Фабио Карваљо се откажа од репрезентацијата на Португалија и со само 20 години втор пат во кариерата сака да ја промени репрезентацијата. Оваа сезона Карваљо одигра 16 натпревари за Ливерпул и постигна два гола вклучувајќи го и победничкиот во 98. минута против Њукасл.
Беше на поширокиот список на репрезентативци на Португалија за СП во Катар, но не се најде на конечниот список на патници за Катар. Тој играше за У21 селекцијата на Португалија, но одби да игра во пријателските мечеви со Чешка во петок и Јапонија во вторник.
ФС на Португалија објави дека Карваљо испратил СМС порака во која изјави дека не сака повеќе да игра за младата португалска репрезентација. Тој сака да игра за Англија.
Карваљо на 11 години пристигнал во Англија и играл за младинските категории, дури и бил капитен на У17 селекцијата на Англија. Одлучил да игра за Португалија, но сега сака да се врати назад и повторно да игра за Англија.
Ќе видиме дали тоа ќе се случи.
