Врховниот комитет на Катар побрза да и се извини на данската телевизија ТВ2, откако на еден од нивните новинари безбедносните служби му се закануваа, додека имаше јавување во живо од Доха.
Известувајќи од Катар неколку дена пред отворањето на Светското првенство репортерот на ТВ2, Расмус Тантолд, се соочи со безбедносните служби кои се појавија пред него со голф кабриолет и му се заканија дека доколку не престане да снима ќе му ја скршат камерата.
Клипот, кој стана вирален низ социјалните мрежи, покажа дека Тантолд на англиски побара појаснување за тоа каде, наводно, ги прекршил правилата за снимање во Катар.
„Го поканивте целиот свет овде. Зошто не можеме да снимаме? Ова е јавно место“, рече тој.
Тој им ја покажа и својата акредитација потврдувајќи ги дозволите за снимање, но обезбедувањето не сакаше да го слушне и продолжи да му се заканува со кршење на камерата.
„Сакаш да ја скршиш? Само напред. Ни се закануваш со кршење на камерата“, прашуваше данскиот репортер.
We now got an apology from Qatar International Media Office and from Qatar Supreme Commitee.
This is what happened when we were broadcasting live for @tv2nyhederne from a roundabout today in Doha. But will it happen to other media as well? #FIFAWorldCupQatar2022 pic.twitter.com/NSJj50kLql— Rasmus Tantholdt TV2 (@RasmusTantholdt) November 15, 2022
