И пак таа (не)реализација. Создаваме шанси, играме сосема солидно во поле, но головите се чини за нас се мисловна именка. И тој што, преку Барди, што го дадовме вечерва беше од пенал. Но, нели, гол си е гол.
Генерално не може да се каже дека вечерва Македонија имаше успешен “тест“ со опасната Финска, која исто така имаше шанси, двапати ја погоди стативата, имаше и водство, и немаше да биде незаслужено ако успееше да дојде и до победата.
Ќе треба да мине и оној неделен “тест“ со Азербејџан за една сеопфатна анализа каде сме и што сме, и со какви шанси ќе го чекаме март и стартот на квалификациите за ЕП 2024 година.
Но уште сега, уште вечерва по мечот со Финска треба да се каже дека оваа Македонија може и МОРА подобро.
