Првиот финалист на петнаесеттото Европско првенство во ракомет за жени е репрезентацијата на Данска која што предмалку во полуфиналето ја совлада Црна Гора со конечен резултат од 27:23 .
Данките беа посконцентрирани, пострпливи и ако сакате во поголемиот дел поквалитетни на овој дуел и заслужено одат во финалниот дуел.
Најдобар поединец во победничкиот тим на Данска беше Фрис со седум погодоци, а следуаше Хојлунд со шест. Кај Црна Гора, Грбиќ и Јауковиќ постигнаа по седум.
Второто полуфинале се игра од 20:30 часот, а се среќаваат Норвешка и Франција.
