Кошаркарите на Гостивар не застануваат. Шеста последователна победа од стартот на сезоната, откако вечерва на домашен терен славеа убедливо и над екипата на Струмица со 102:80. Гостиварчани во текот на целиот меч беа во водство, а доминацијата ја потврдија во завршницата на средбата.
Струмица одигра солидно во првиот период кога имаше и најмала негатива од смао 4 поени. Потоа Гостивар ги зеде конците во свои раце и континуирано ја зголемуваше рфазликата, која на крајот изнесуваше 22 поени.
Пипкинс постигна 24 поени, а ефремовски имаше 22 поени зад своето име вечерва. Овие двајца беа најефикасни во домашниот состав. Кај екипата на Струмица, Крстајиќ постигна 30 поени.
