Раководството на Атлетико Мадрид ја разгледува можноста да го позајми Жоао Феликс на друг клуб во вториот дел од сезоната, пренесува шпанскиот спортски весник „АС“. „Јорганџиите“ сакаат да го продадат младиот напаѓач за кого платија 120 милиони евра во 2019 година, но до сега никој не доставил примамлива понуда.
Поради таа причина од „Метрополитано“ донеле одлука да го позајмат во друг тим, за да се ослободат од неговата плата до крајот на сезоната и на тој начин фудбалерот да се обиде да ја врати формата, па летоска клубот да проба да го продаде.
„АС“ пишува дека Манчестер Јунајтед може да биде неговиот нов клуб за вториот дел од сезоната, после караницата со Кристијано Роналдо и неговата се посигурната разделба со тимот од „Олд Трафорд“.
