Пелистер денеска го забележа првиот пораз во АБА 2. Битолчани досега имаа перфектен скор, само победи, но попладнево во Сараево тие беа поразени од тимот на Широки со 83:73.
По натпреварот тренерот на нашиот претставник Марјан Илиевски изјави:
“Мечот од почетокот најави дека ќе бидеме израмнети, иако бевме подобри на отворањето. Направивме мали грешки, па противникот не стигна. Мило ми е што Пелистер веќе покажува дека е некој фактор во оваа лига бидејќи билансот 2/0 од првиот турнир го принуди противникот да не се опушта во текот на сите 40 минути“ рече Илиевски.
Во продолжение додаде дека и покрај поразот им честита на своите играчи:
„Единствената замерка за играчите ми е отворениот шут за тројка, во се друго бевме подобри од Широки и сакам да им честитам на моите кошаркари“, изјави Илиевски.
