Со денешните четири мечеви завршува првото коло од групната фаза на СП во Катар. И за крај на ова коло, во последниот меч, ќе имаме мега – спектакл. Бразил против Србија. Најголемиот фаворит за титулата против селекцијата од Балканот која е во страшна форма во изминатата година. Се верува дека момците на Пикси, “орлите“ на селекторот Драган Стојковиќ, ќе знаат како против Нејмар и компанија. Србија има проблем со повреди, но сепак тој тим има дух, има знаење и квалитет дури и за победа над Бразил.
Во секој случај ќе супер интересно, мечот почнува од 20:00 часот. Меч за фудбалски гурмани.
Денот започнува со дуелот меѓу Швајцарија и Камерун (11:00 Ч). Дуел во кој нема фаворити. Швајцарците не се она што беа, а Камерун како и секогаш на мундијалите ќе даде се од себе да дојде до добар резултат и на овој меч, но и воопшто на СП во Катар.
Следува дуелот меѓу Уругвај – Ј. Кореја (14:00 Ч). Суарез, Кавани, Дарвин, Валверде…се чини дека некогаш двократниот светски првак одамна не бил така силен по имиња. Ј. Кореја ќе сака да го следи примерот на Јапонците кои вчера ја победија Германија.
Супер дуел меѓу Португали и Гана (17:00 Ч). Да видиме како Роналдо и неговата супер репрезентација ќе стартуваат на овој шампионат. Според имиња Португалците се меѓу ТОП-5 селекции во Катар, тука нема дилеми.
ДВОЈКИ ЗА ДЕНЕСКА
11:00 Ч
ГРУПА-Г (1.КОЛО)
ШВАЈЦАРИЈА – КАМЕРУН
Стадион: Ал Жануб (Ал Вакра)
14:00 Ч
ГРУПА-Х (1.КОЛО)
УРУГВАЈ – Ј. КОРЕЈА
Стадион: Едукатион Сити (Ал Рајан)
17:00 Ч
ГРУПА-Х (1.КОЛО)
ПОРТУГАЛИЈА – ГАНА
Стадион: 974 (Доха)
20:00 Ч
ГРУПА-Г (1.КОЛО)
БРАЗИЛ – СРБИЈА
Стадион: Лусаил Иконик (Лусаил)
