Сега и дефинитивно се знае дека Кристијано Роналдо остана без клуб, со оглед на тоа дека Манчестер Јунајтед го раскина договорот со Португалецот. Вчера во водечките медиуми во Шпанија, па и на Островот, се шпекулираше дека тој би можел да се врати на “Сантијаго Бернабеу“. И тоа барем до јуни, на шест месеци ако се знае дека “кралевите“ имаат проблеми со повредата на Карим Бензема, но и на некои други играчи од нападот.
Сепак утринава шпанскит весник “АС“ го демантира сите такви најави:
“Враќањето на Роналдо во Реал Мадрид не е на дневен ред, ниту ќе биде. Од клубот уверуваат дека треба да се ужива во спомените кога Роналдо играше за нив, и дека неговото враќање не е можно. Едноставно не би имало смисла во поглед на новиот проект на Реал“ известува „АС“.
