Лионел Меси го постигна осмиот гол на светските првенства. Токму со неговиот гол вечерва Аргентина го совлада Мексико со 1:0 и остана во трка за осминафиналето. Меси повторно се израмни со Кристијано Роналдо по бројот на голови на светските првенства. 37-годишниот Португалец претходно постигна гол против Гана во 1. Коло.
Вреди да се напомене дека Меси се израмни и со иконата на аргентинскиот фудбал, Диего Марадона кој има 8 гола на Мундијалите. Сепак, рекордот во аргентинскиот национален тим го држи Габрел Батистута со 10 гола на светските првенства.
