Со денешните четири натпревари завршува и 2.коло од групната фаза на Мундијалот со што завршува делот од СП во Катар во кое секојдневно има по четири натпревари во четири различни термини.
Денешниот натпреварувачки ден започнува со дуелот меѓу Камерун и Србија (11 Ч). Се чини дека ова е да се биде или не за нашиот северен сосед. Само победа ги остава во игра за пласман во осминафиналето, и со реми ќе имаат некакви шанси, но со пораз и дефинитивно ќе биде крај на нивните соништа за пласман во елиминациската фаза.
Следува мечот меѓу Ј.Кореја и Гана од групата Х. Дуел на аутсајдерите во групата. На Ј.Кореја добро ќе и дојде и реми, а Гана мора да победи.
Бразил со Швајцарија (17 Ч), иако без Нејмар, секако дека ќе оди на пообеда и на заверка на пласманот во следната фаза. Секоја чест за европската селекција, но Бразилците покажаа на мечот со Србија дека се супер-сила.
И во последниот меч во дербито на денот се среќават Португалија и Уругвај (20 Ч). Во случај на победа Роналдо и другарите и официјално ќе бидат во осминафиналето.
ДВОЈКИ ЗА ДЕНЕСКА
11:00 Ч
ГРУПА-Г (2.КОЛО)
КАМЕРУН – СРБИЈА
Стадион: Ал Жануб (Ал Вакра)
14:00 Ч
ГРУПА-Х (2.КОЛО)
Ј.КОРЕЈА – ГАНА
Стадион: Едукатион Сити (Ал Рајан)
17:00 Ч
ГРУПА-Г (2.КОЛО)
БРАЗИЛ – ШВАЈЦАРИЈА
Стадион: 974 (Доха)
20:00 Ч
ГРУПА-Х (2.КОЛО)
ПОРТУГАЛИЈА –УРУГВАЈ
Стадион: Лусаил Иконик (Лусаил)
