Кристијано Роналдо се уште верува дека тој го постигнал првиот гол на Португалија против Уругвај синоќа, и покрај тоа што сите официјални извори тврдат дека тоа е гол на Бруно Фернандеш.
Токму тој нафрли во казнениот простор на Уругвајците, каде Роналдо се обиде да игра со глава, но на крајот се чини дека не ја допре топката и таа заврши во мрежата за 1:0. Првично ФИФА го запиша Роналдо за стрелец, но неколку минути подоцна се корегираа.
Медиумите откриваат дека веднаш по натпреварот, од соблекувалната, Роналдо му испратил порака на Пирс Морган, во која е дециден дека ја допрел топката кога Фернандеш нафрлил. Дури и Португалија побарала од ФИФА да ја прегледа уште еднаш снимката и да го запише голот зад името на Роналдо.
