Ако Македонија играше на СП во Катар, а бевме блиску, на само 90 минути, тогаш нашите репрезентативци немаше да бидат слободни како што се сега па да можат да ги користат зимските одмори.
Браќата Бабунски, Давид и Доријан се на мини – одмор во Барселона а таму деновиве беше и Тихо Костадинов на финалните прегледи по операцијата на лигаментите направена во април. И се разбира кога сите тројца во исто време се во Барселона следува поздрав од еден од најубавите градови во светот.
Да кажеме дека Костадинов набргу се враќа во својот тим Пјаст Гливице, а тоа значи дека ќе се врати и во А-репрезентацијата за дуелот со Малта во март, на стартот од квалификациите за ЕВРО 2024.
