Дербито на дното на табелата во Првата лига помеѓу Академија ФМП и Струмица понуди неизвесна битка која беше решена во самиот финиш. Победник излезе домашниот состав кој славеше со 89-80 во меч од осмото коло.
За Академија ФМП ова беше само втора победа оваа сезона, па последното место на табелата им го препушти на струмичани, кои во својот кам-бек меѓу прволигашите не блеснаа според желбите.
Првата четвртина беше најава дека ова ќе биде неизвесен натпревар, истата заврши 19-19, додека на одморот гостите имаа минимална предност од три коша (38-41). Веќе во третата четвртина, мал чекор напред направи скопскиот состав, ја доби со пет поени разлика (26-21), но тоа не значеше ништо.
На минута и 17 секунди до крајот по поените на Крстајиќ за 84-80, Струмица застана, на другата страна Коскоски стави печат на мечот. Токму тој со 31 поен и пет скока беше прв стрелец, зад него беше Смит со 23 поени. Кај поразениот состав, Крстајиќ постигна 21 поен.
ПРВА ЛИГА-МАЖИ
РЕЗУЛТАТИ И ДВОЈКИ 8. КОЛО
Навико Академија ФМП – Струмица 2022 89:80
Гостивар – Чаир 2030 86:68
ТФТ – Феникс 2010 74:79
Работнички – Куманово 2009 119:83
5. ДЕКЕМВРИ (ПОНЕДЕЛНИК):
18.30: Пелистер – Кожув
Сала „Боро Чурлевски“ – Битола
ЛИНК: https://youtu.be/MdR7-H0tF_M
6. ДЕКЕМВРИ (ВТОРНИК):
18.00: МЗТ Скопје Аеродром – Еуро Никел 2005
Голема сала на СЦ „Јане Сандански“ – Скопје
ЛИНК: https://youtu.be/82Z5tI3K6gA
