Вчера во Ѓорче екипата на Шкендија одигра квалитетно, успеа да ја победи домашната Македонија ЃП со 1:3. Колку му значеше овој натпревар, поточно оваа победа на стратегот на тетовци Ќатип Османи говори податокот дека и покрај водството во еден момент од 0:2 и 1:3, сепак тој во неколку наврати реагираше на одредени судиски одлуки на Јован Качевски, еден од нашите најдобри судии. Па така стружанецот мораше во еден момент да го смири Ќато со зборовите:
„Ќато, ај седни си на клупата“.
Малку необично за Османи кој е познат како еден од најмирните тренери во Македонија.
Сето ова го одбележа фотографот Петр Стојановски.
