Проблемите во италијанскиот Јувентус продолжуваат после оставките на раководните луѓе, на овој клуб му се заканува и суспензија од европските купови, пишува Газета дело Спорт.
Јувентус е цел на обвинителите во Торино од две причини, употреба на фалсификувани добивки во клупскиот биланс и тајни исплати на плати на играчите на почетокот на пандемијата со коронавирусот.
УЕФА нема намера да чека завршница на кривичната постапка во Италија, која може да трае и со месеци, туку планира да реагира порано. Од УЕФА чекаат подетални информации од јавното обвинителство во Торино за да реагираат. Откако ќе ги добијат ќе реагираат независно и ќе ја испитаат реалната економска состојба на клубот.
Засега Јувентус му се заканува парична казна, но ако се потврдат и тајните исплати на играчите тогаш клубот може да биде исфрлен од европските купови, пишува „Газета“.
