По шокантниот пораз од ППД Загреб во минатото коло, Веспрем се истури врз Висла Плоцк. Унгарскиот вицепрвак лесно ја доби пресметката од деветото коло, на домашен терен славеше со 32-22. Оваа средба ракометарите на Веспрем ја решија во првото полувреме кое го добија со 17-9, па до крајот без проблем го привршија во своја корист.
Петар Ненадиќ со девет гола од 13 обиди беше незапирлив. Веспрем останува втор на табелата во групата А зад ПСЖ.
WATCH: An underarm howitzer from Petar Nenadic! @telekomveszprem leading comfortably! pic.twitter.com/MUTDFfHcEj
— EHF Champions League (@ehfcl) December 8, 2022
Во истата група, ППД Загреб на гостувањето кај Динамо Букурешт имаше шанса за нова победа, на крајот се чини ремито 27-27 беше најреален исход за двата тима. Дибиров постигна седум гола, пет имаше Чупиќ. На другата страна Акименко имаше шест погодоци. На овој дуел правдата ја делеа македонските судии Николов и Начевски.
По изедначената игра во првиот дел, кој романскиот тим го доби со 14-13, а ниту една од двете екипи немаше поголемо водство од два гола, ППД Загреб отвори моќно во следниот период. Со серија од 6-1 хрватскиот тим поведе со 15-19 во 40 минута, не искористи шанса оваа позитива да ја зголеми и повеќе.
Али Зеин го разбуди својот тим со две одбрани, па Динамо намали на 17-19. Сепак гостите не успеаја да ја задржат позитивата од трик гола, романскиот клуб дојде на минус еден 21-22 и ја продолжи неизвесноста. Дефинитивно „плинарите“ можеа поинаку да го решат овој меч, па стигна казна, противникот целосно се врати, поведе со 26-25 на пет минути до крајот. Долго време двата тима беа без погодок, по голот на ППД Загреб, Кукуќ беше прецизен за 27-26, Сиротиќ изедначи на 27-27. Ова беше конечниот резултат.
Во групата А, чудно но вистинито дојде до третата победа оваа сезона, откако го совлада Нант пред своите фанови со 37-33 и воедно му се одмазди за поразот на гостински терен.
