Што е и логично со оглед на фактот што најдобриот на сите времиња, остави така голем, а и сеуште остава траг во најсилната кошаркарска лига во светот. Водството на НБА лигата ги изгласа најавените промени со кои трофејот за најкорисен играч во НБА лигата во една сезона или популарно наречениот МВП одсега да го носи името на неповторливиот Мајкл Џордан.
Џордан со децении владееше со оваа лига, има огромен авторитет во неа до ден денес, и нормално е најпрестижната награда да го носи неговото име.
Од друга страна пак, наградата за најдобар дефанзивен играч во сезоната одсега натаму ќе го носи името на Хаким Олајџувон. Некогашниот центар на Хјустон Рокетс, долго време беше број еден дефанзивец, па одлуката на водството на лигата е легитимна и во случајов.
Конечно, наградата за најдобар дебитант односно „руки“ ќе го носи името на легендата на Лос Анџелес Лејкерс, Вилт Чембрлен. Најдобриот шести играч ќе ја прими наградата Џон Хавличек.
Се воведува и нова награда, која е буквално во „амерички“ стил и е награда за најдобар играч во клучни моменти, односно популарно наречен „clutch“ играч. Истата ќе го носи името на Џери Вест.
