Извршниот комитет на СЕХА лигата денеска ги потврди тимовите кои ќе се натпреваруваат во 12-тата сезона во СЕХА – Газпром лигата. Во сезоната 2022/23, СЕХА – Газпром лигата ќе вклучи осум учесници од пет различни земји.
Македонија и оваа сезона ќе има два преставника во екипите на Еурофарм Пелистер и Вардар.
Покрај македонските преставници во новата сезона ќе играат и Партизан (СРБ), Нексе (Хрв), ППД Загреб (Хрв), Татран Прешов (СВК), Веспрем (Унг) и Војводина (Срб).
Клубовите ќе бидат поделени во група „А“ и група „Б“ со по три екипи. По спроведената анализа и заедно со корелацијата со европскиот календар и рангирањето на клубовите, екипите на Телеком Веспрем (шампион 2021/22) и РК ППД Загреб (финалист 2021/22) директно ќе бидат вклучени во четвртфиналето и нема да играат во групната фаза.
Победниците од четвртфиналните натпревари ќе го обезбедат место на Ф4 турнирот кој ќе се одржи од 21 до 23 април.
ГРУПА А
Е. ПЕЛИСТЕР
НЕКСЕ
ВОЈВОДИНА
ГРУПА Б
ВАРДАР
ТАТРАН П.
ПАРТИЗАН
