Фудбалскиот свет е загрижен за Џанлука Виали. Шефот на делегацијата на европскиот шампион и десна рака на селекторот Роберто Манчини е хоспитализиран во Лондон поради влошување на неговата здравствена состојба. Неговата мајка Марија Тереза заминала од Кремона за Англија. Поранешниот фудбалер веќе пет години се бори со рак на панкреасот, а сега се наоѓа на клиниката каде што веќе беше подложен на два циклуса на хемотерапија за ракот откриен во 2017 година.
Пред неколку дена поранешниот напаѓач на Сампдорија, Јувентус и Челзи најави пауза од националниот тим за целосно да се посвети на лекувањето. Она на што никој не се надеваше е дека болеста се вратила повторно.
