Репрезентацијата на Аргентина во вторникот рано наутро се врати во Буенос Аирес, откако ја совлада Франција во неделното финале на Светското првенство. Лионел Меси и неговите соиграчи среде ноќ беа пречекани од стотици илјади навивачи на улиците, а огромната прослава, која од неделата трае во Аргентина, продолжи и во вторникот.
Argentina’s World Cup parade has been cut short after celebrations became chaotic and fans started jumping on the open-top bus from the overpass. The players instead flew over Buenos Aires in a helicopter following guidance from security forces.
— Ben Jacobs (@JacobsBen) December 20, 2022
Играчите тргнаа со автобус низ градот кон претседателската палата, а на улиците на главниот град излегоа 5,5 милиони луѓе. Толпи обожаватели ги заглавија сите главни патишта во градот, а фотографиите од народното море на улиците и плоштадите го обиколија светот.
Навивачите се качуваа на канделабри, семафори и покриви на автобуски станици каде славеа, скокаа и пееја. За жал, за време на таа прослава, 24-годишник паднал низ стаклен покрив и набргу починал, а друг навивач починал откако знамето што го имал околу вратот му се заплеткало во тркалото на моторот и го задушило.
Петгодишно момче е во кома откако на главата му паднаа остатоци од споменикот на кој навивачите се качуваа, илјадници навивачи беа полесно или тешко повредени, а хулигани киднапираа полициски возила и со нив се движеа низ градот.
Ситуацијата беше на работ да излезе од контрола во моментот кога автобусот со играчите повеќе не можеше да се движи напред или назад низ огромната толпа луѓе. Додека автобусот минувал под надвозникот, многу навивачи се обиделе да скокнат во него, а некои паднале и биле тешко повредени.
Buenos Aires bajo invasion zombie 🧟♂️ 🇦🇷#campeonesdelmundo #lascaloneta #zombie pic.twitter.com/7SLImxfUbQ
— Seba Chuffer (@sebadelfuturo) December 20, 2022
