Српскиот тенисер Новак Ѓоковиќ допатува во Австралија, нешто помалку од една година откако беше депортиран од таа земја поради тоа што одби да се вакцинира против коронавирус.
„Му посакуваме добредојде во Австралија. Тој патува во Аделаиде“, објави Тенискиот сојуз на Австралија.
Причината е Австралија опен кој ќе се одржи од 15. до 29. јануари во Мелбурн.
Да потсетиме дека на Новак му беше забранет настап на Австралија опен 2022 година. Беше држен на аеродромот неколку денови за на крај да биде одлучено тој да биде депортиран. Имаше измешани реакции меѓу навивачите, државниците и институциите се препираа кој е во право, а кој не.
Тогаш доби и тригодишна забрана за патување, но задолжителното вакционирање во Австралија беше укинато во Австралија, па Новак доби виза. Инаку српскиот тениски ас прво ќе настапи на турнир во Аделаиде кој почнува во недела, а потоа ќе оди во Мелбурн.
Djokovic returns to Australia a year after deportation 👀
How will the 2023 Australian Open end for @DjokerNole ? 🤔 pic.twitter.com/OyOBsHnTfk
— Eurosport (@eurosport) December 27, 2022
