На 3 јануари во СЦ „Борис Трајковски“ македонските спортски љубители ќе можат да уживаат во спектакуларен ракометен натпревар помеѓу актуелните и поранешните македонски репрезентативци. Тоа ќе биде супер шоу кое има хуманитарен карактер, а ќе биде пропратено со музички настан.
Сите средства ќе бидат наменети за СОС „Детското село“, а на полувреме ќе има и настапи на наши музичари: „Александар и Дац“, „Кики“, „Некст тајм“ и „Меморија“. За дополнителна возбуда и хумор ќе се погрижи Сашко Коцев.
Цените на билетите се 250 и 300 денари и можат да се набават преку мрежата на „МК тикетс“.
