Бразилецот Густаво Скарпа стана 23-тото засилување за Нотингем Форест оваа сезона, а тренерот Стив Купер вели дека клубот мора да ангажира уште нови фудбалери за да си ја подобри позицијата во англиското првенство. Форест е претпоследен на табелата пред „фенерџијата“ Саутемптон.
„Нашата прва идеја кога носиме нови играчи е тие да го подобрат стартниот состав. Но, можеби треба да размислуваме и за длабочината, бидејќи имаме повреди на некои позиции“, изјави Купер.
„Сепак, новите засилувања мора да бидат подготвени да стапнат на теренот и да направат разлика. Пред паузата ни беше добро, но се уште сме далеку од она што сакаме да го покажеме. Сакаме да играме подобар фудбал и тоа да биде можно , ќе мора да промениме некои работи во тимот. Имам добри односи со управата и верувам дека ќе го направат тоа што мислат дека е најдобро“.
Скарпа беше договорен пред неколку недели, а тој доаѓа од Палмеирас како слободен играч. Инакуј тој тренира со тимот но нема право да настапи пред 1 јануари.
