Новата бразилска надеж Ендрик Фелипе ќе ја продолжи кариерата во Реал Мадрид со кого потпиша долгорочен договор. Ендрик ќе се пресели на „Бернабеу“ во 2024 година, а тој откри зошто го одбрал Реал иако се интересирале и други екипи како Барселона, ПСЖ, Челзи…
„Благодарен сум му на Господ што ќе играм за Реал Мадрид. Не сум освоил уште ништо, а се радувам што во иднина ќе настапувам за овој голем клуб. Поточно има три причини поради кои одлучив да отидам во Реал. Првата е што Реал е многу голем клуб, а другите две се поради Кристијано Роналдо и Винисиус. Роналдо е мојот идол од дете, а Вини ми е другар кој ми помага со совети, кој ме учи да внимавам на себе. Се надевам дека еден ден ќе разменуваме додавања и ќе постигнуваме голови во дресот на Реал “, објасни Ендрик.
