На крајот на годината и месецот во кој цел свет му оддаде почит на Лионел Меси, победникот на Светското првенство со Аргентина, Карло Анчелоти не се согласува со оценката дека е најдобриот фудбалер досега. Италијанецот во интервју за „Дејли мејл“ не сакаше да го нарече најдобар во историјата.
„Тешко е да се каже. Не знам дали е најдобар во историјата, не е фер да се каже тоа, бидејќи секоја ера има многу добри играчи. „Меси е најдобар во историјата“, нема да ми излезе од уста. Уживав со толку многу добри играчи, го тренирав секој добитник на Златната топка“, изјави тренерот на Реал, „Дон Карло“.
Секако, Анчелоти со години работи со Карим Бензема и Лука Модриќ во Реал, а претходно ги тренираше Кристијано Роналдо, Кака, Андреј Шевченко, бројни асови кои беа прогласени за најдобри во светот. Претходно како играч им беше ривал на славните асови.
„Ги видов и Јохан Кројф, Диего Марадона…“, додаде Анчелоти, уште еднаш отфрлајќи ја потенцијалната идеја на новинарот да каже дека Лео е најдобриот фудбалер кој некогаш играл. Тоа не е ни чудо, бидејќи Италијанецот и минатата година беше прашан за Лео, а потоа наброја седум луѓе подобри од него.
