ФИА планира да им дозволи на потенцијалните нови Формула 1 тимови да го пријават својот интерес за приклучување во шампионатот, што е најјасна индикација досега дека бројот на активни Ф1 тимови може да порасне над 10.
Претседателот на ФИА, Мохамед Бен Сулејем, на Твитер напиша дека побарал од неговиот тим „да го разгледа започнувањето на процес на изразување интерес за потенцијалните нови тимови“ да се приклучат на Ф1.
Тоа означува голем чекор напред за потенцијалните нови учесници во Ф1, вклучувајќи го Андрети Глобал, кој беше убедливо најгласен во текот на изминатата година за својата желба да се приклучи во шампионатот со свој тим. Откако неговата понуда за купување на Заубер пропадна, американскиот тим ги објави своите намери да влезе во Формула 1 во 2024 година, самостојно.
ФИА рече дека „во моментов не е во позиција да ги разгледува“ потенцијалните нови учесници во Ф1, но од тогаш до сега веројатно работите се променија.