Кошаркарите на Кливленд во феноменален натпревар по продолжение го совладаа Чикаго Булс со 145:134, а незаборавна партија одигра домашниот чувар Донован Мичел, кој постигна 71 поен. Тој го одведе натпреварот во продолжение и стана првиот играч по легендарниот Коби Брајант кој постигнал над 70 поени на натпревар во НБА.
Holy shit. Donovan Mitchell (58) breaks LeBron James’ Cleveland Cavaliers franchise-high for points in a single game to tie it with 4 seconds left.https://t.co/4CF0ONxkN8 pic.twitter.com/mk8SkPcply
— Wobovan Mitchell (@WorldWideWob) January 3, 2023
Ваков натпревар во најсилната лига на светот се чекаше 17 години, поточно од 22 јануари 2006 година кога Коби го „затрупа“ кошот на Торонто.
„Биковите“ настрадаа пред Мичел, имаа два поени разлика на крајот од регуларниот дел, но незапирливиот кошаркар на Кливленд намерно промаши слободно фрлање, ја фати топката и погоди за продолжение.
Во продолжението Кливленд оствари голема победа, а Мичел постигна 71 поен со што стана само седмиот играч во историјата на НБА со 70 поени на еден натпревар.
Donovan Mitchell 7️⃣1️⃣🔥 https://t.co/mBsu8RVtL1
— Olimpo Apuestas (@OlimpoApuestas) January 3, 2023
Пред Мичел, Вилт Чембрлен, Коби Брајант, Дејвид Томпсон, Елгин Бејлор, Дејвид Робинсон и Девин Букер да го постигнат овој подвиг.
Покрај 71 поен, Мичел имаше 11 асистенции и осум скока. Погоди 22/34 од поле, 7/15 за тројки, додека од „пенал“ постигна 20 поени од 25 обиди.
